Зағип және нашар көретін азаматтардың қалалық арнаулы кітапханасында қазіргі таңда Германияда тұратын жерлесіміз, зағип ақын Юрий Николаевич Кузнецовтың «Колыбель моей мечты» атты кітабының тұсаукесері өтті.
Іс-шараға кітапхана оқырмандары, автордың сыныптастары, сондай-ақ Ш. Уәлиханов атындағы университет жанындағы көпсалалы колледж студенттері қатысты.
Шара барысында ақынның өмірі мен шығармашылығы туралы ақпарат беріліп, кітапхана оқырмандары мен студенттер оның өлеңдерін оқыды, музыкалық нөмірлер ұсынылды.
Сонымен қатар, ақынның жыр жинағы таныстырылып, кітап туралы кеңінен мағлұмат берілді. Іс-шара жылы әсерге толы рухани кездесу ретінде өтті.
