1 маусым күні Қалалық ақпараттық кітапхана жүйесі және Орталық қалалық балалар және жасөспірімдер үлгілі кітапханасында «Әдебиет әлеміндегі демалыс» ашық аспан астындағы open air іс шарасы өткізілді. Мақсаты: балаларға мерекелік көңіл-күй сыйлау, олардың өнерін көрсету, достыққа, мейірімділікке, бірлікке және үлкендерді құрметтеуге тәрбиелеу. Балаларды қорғау күніне орай түрлі мерекелік шаралар, концерттер, ойын-сауық бағдарламалары, спорттық жарыстар ұйымдастырылып, кітапханашылардан құралған түрлі ертегі кейіпкерлерінің костюмін киген аниматорлар әр образда балаларды кіреберістен қызылды-асылды шарлармен көтеріңкі көңіл-күйде қарсы алып, Қаламыздағы әсем безендірілген көкшалғынды бір сәтте-ақ әсем әуен желісінде олардың шат күлкісі мен көңілді билері араласқан тамаша атмосфераға айналдырды. Мерекелік шараға балалар, тәрбиешілер немесе мұғалімдер, ата-аналар, ертегі кейіпкері, кітапхананың кішкентай оқырмандары қатысты.
